Шупашкарти Ярмӑрккӑ урамӗнчи 6-мӗш ҫурт ҫине асӑну хӑми ҫакнӑ. Унта 2006-2022 ҫулсенче пултаруллӑ мӑшӑр, ЧР культурӑн тава тивӗҫлӗ ӗҫченӗсем Венера Большовӑпа Петр Маркин пурӑннӑ.
Венера Петровна йывӑр чир хыҫҫӑн пурнӑҫран уйрӑлнӑ. Темиҫе кунран Петр Григорьевичӑн та чӗри тапма пӑрахнӑ. Венера Большакова 1938 ҫулта Хӗрлӗ Чутай районӗнчи Пӗчӗк Этмен ялӗнче ҫуралнӑ. Вӑл «Чӑваш Ен» радиопа нумай ҫул янӑракан «Ӑраскал» кӑларӑм авторӗ. Венера Петровна 2022 ҫулхи кӑрлачӑн 6-мӗшӗнче вилнӗ.
Петр Маркин Чӗмпӗр облаҫӗнче 1930 ҫулта ҫуралнӑ. Чӑваш Енре тухса тӑнӑ «Ҫамрӑк коммунист» хаҫат редакторӗнче те ӗҫленӗ, унтан телекурава куҫнӑ. Унӑн хайлавӗсем тӑрӑх темиҫе телеспектакль лартнӑ. Вӑл 2022 ҫулхи кӑрлачӑн 14-мӗшӗнче вилнӗ.
Паян, кӑрлач уйӑхӗн 6-мӗшӗнче, Венера Большова телерадиожурналист пурнӑҫран уйрӑлса кайнӑ. Хурлӑхлӑ хыпара Марина Карягина тележурналист Фейсбукра пӗлтернӗ.
Венера Петровна 1936 ҫулхи раштав уйӑхӗн 26-мӗшӗнче Етӗрне районӗнчи Пӗчӗк Этмен ялӗнче ҫуралнӑ.
1956 ҫулта Етӗрнери педучилищӗрен, 1961 ҫулта И.Я. Яковлев ячӗллӗ Чӑваш патшалӑх педагогика институтӗнчи филологи факультетӗнчи вырӑс-чӑваш уйрӑмӗнчен вӗренсе тухнӑ, Партин аслӑ шкулӗнче те ӑс пухнӑ.
1961 ҫулта вӑл Телерадиовещани комитетӗнче ӗҫлеме тытӑннӑ. Малтан радиора корреспондентра, ҫырусем енӗпе кӗҫӗн редакторта, ҫамрӑксен кӑларӑмӗнче редакторта, политпропаганда енӗпе аслӑ редакторта тӑрӑшнӑ. 1971 ҫулта ӑна телевиденин председателӗн заместителӗ пулма шаннӑ, 1984–1991 ҫулсенче ЧАССР Патшалӑх телерадиовӑн председателӗ пулнӑ.
+2.3 °C